"Os oficios de Chuquelo" de Pinto & Chinto. (Arancha Puime Casal)

Unha vez máis Pinto & Chinto conseguen que o lector goce da lectura. O seu toque humorístico e a súa sinxela escritura durante toda a obra fai que a comprensión da lectura sexa doada.

Chuquelo é un can que só intenta encontrar o seu lugar no mundo. Como can é auténtico desastre. Un can sen oficio nin beneficio. Só desenterrar ósos o compensaba da súa tristura. Velaí a clave da súa vida.

Proba canta profesión hai, pero a sorte non o acompaña e iso levarao a refuxiarse na comida, e volta a desenterrar máis ósos.

Finalmente, Chuquelo atopa o seu oficio, froito dun traballo concienzudo e toda unha vida de dedicación, pero para saber cal é, deberás ler o libro.

Explican os autores da obra que en certo sentido este can é como «a outra cara de tantos cans protagonistas e que tanto axudan aos humanos en profesións como a de policía ou a de bombeiro». Este, segundo o dúo, é «un can con problemas de traballo estable e que, para compensar os seus fracasos, ten un comportamento moi humano: utiliza a comida para compensar».

"Os oficios de Chuquelo" publicouse en decembro do 2009 pola editorial Galaxia pertencente a colección Árbore.

Por último gustaríame facer un breve apuntamento sobre Pinto & Chinto. este dúo está formado por David Pintor (A Coruña, 1975) e Carlos López (A Coruña, 1967) comezaron a colaborar como humorístas gráficos en 1993 e dende aí empezaron a colaborar con varios xornais.

En 2001 iniciáronse na literatura infantil, tras máis de 20 libros, convertíronse nuns dos autores máis galardoados e prolíferos de Galicia.