Amina, una nena que ten que emigrar do seu país, Nixeria,
ten a oportunidade de acceder á escola no seu novo lugar de residencia. Esta é
a historia do que sucede neses primeiros tempos, da relación co profesorado,
cos compañeiros e especialmente con Ío, unha pequena que ten problemas
para comunicarse pero non para sentir e para achegarse a Amina, á que só
Edu, o seu curmán, segue prendéndoa a aquel lugar de onde partiu. A
partir deste fío, a autora fainos navegar a través da inmigración e o
rexeitamento ante ela, ante todos os prexuízos de raza, de culturas, do
descoñecido… E ante todo isto prevalecerá a amizade entre diferentes, a
solidariedade e a reacción ante as inxustizas.
Estes puntos de vista ante temas tan actuais percórreos
rapidamente nunha breve extensión de sinxela lectura e léxico doado.
Imprescindible
en idades nas que non se poden obviar temas como a emigración, a exclusión
social ou o maltrato, xa que preparan a futura sensibilidade en valores coma
estes, xunto doutros coma o compañeirismo ou os comportamentos pacíficos e as
actitudes positivas na aula.
Unha obra recomendable a quen desexe mostrar unha nova
perspectiva do mundo, loitando polo cambio, facendo deste un lugar mellor para
convivir.
Para rematar,
aínda que fai mención a Flora Nwapa, a primeira africana que
escribiu un libro en inglés, non puiden deixar de lembrar o caso de Malala Yousafzai,
autora de frases como “un neno, un profesor, un lapis e un libro poden
cambiar o mundo”, e aínda máis "A voz ten poder... non se trata de
combater coa violencia senón coas palabras".
Así ocorre en A lagoa das nenas mudas,
onde os lectores aprenderán, a través das cartas que van e veñen, a través das
palabras non pronunciadas de Ío, o que di a nai da protagonista:
"As
linguas son as roupas que visten as palabras
en
cada lugar".
Animádevos a ler esta maravillosa obra que fará
despertar en vos os sentimentos máis fermosos!!
Sobre a autora:
Agradecerlle unha vez máis
a Fina Casalderrey, xa
mencionada con anterioridade neste Blog, a sensibilidade coa que trata temas
coma estes e a delicada maneira de achegalos ós máis novos.
Autora ganadora
de moitos premios e distincións, entre eles o premio Merlín de Literatura
Infantil, en 1991, por Dúas bágoas por Máquina, o premio
Edebé de Literatura Infantil, en 1995 por O estanque dos parrulos
pobres, o premio Nacional de Literatura Infantil e Xuvenil, en 1996, e
o premio Cidade de Pontevedra, en 1996 pola totalidade da súa obra.
No hay comentarios:
Publicar un comentario
Nota: solo los miembros de este blog pueden publicar comentarios.